Honda njihet si një kompani që prodhon makina standard që gjenë përdorim të gjërë në përditshmërinë tonë. Megjithatë ndonjëherë inxhinierët në këtë kompani krijojnë makina tepër të veçanta, si kjo CR-V e modifikuar me mbi 800 kuajfuqi.
Dhe pse Honda CR-V njihet si një SUV familjar, inxhinierët menduan se ishte një ide mjaft e mirë që të vendosnin në të një motor tepër të fuqishëm në këtë makinë, e cila u quajt Honda CR-V Hybrid Racer ose ndryshe “Bisha”. Sigurisht për të kontrolluar fuqinë e kësaj makine nevojitet një drejtues mjaft i mirë, dhe Honda arriti të gjente një ndër drejtuesit më të mirë në botë dhe fituesin e Formula 1, Max Verstappen.
“Bisha” është e pajisur me një motor 2.2 litra V6, ndërkohë që gjendet dhe një motor hibrid Empel MGU, superkondensatori Skeleton dhe një ECU nga McLaren Applied Technologies. Rezultati: mbi 800 kuajfuqi. Motori fuqizohet nga karburanti 100% i rinovueshëm i furnizuar nga Shell.
Gjithashtu janë bërë shumë ndryshime dhe në shasinë e makinës. Pjesa e poshtme është tërësisht e re, e pajisur me fibra karboni, ndërkohë që radiator është përshtatur nga makina Dallara IR-18. Spoiler-i i pasëm është krijuar posaçërisht për këtë makinë për të rritur stabilitetin e makinës.
