Volvo Cars ka bërë një investim strategjik në Bcomp, një kompani inovative suedeze e cila prodhon materiale të lehta të bazuara në fibra natyrale, përmes Vovlo Cars Tech Fund.
Për të krijuar këto materiale, Bcomp përdor fibra liri, një material që ofron ulje të konsiderueshme për sa i përket peshës, energjisë së përdorur dhe emëtimeve në krahasim me pjesët e zakonshme plastike. Ky material bën të mundur dhe opsionet e ndryshme të dizenjimit për sipërfaqjet estetike.
Volvo Cars po eksploron në mënyrë të vazhdueshme përdorimin e përbërjeve me fibra natyrale në gjeneratën e ardhshme të makinave tërësisht elektrike, ndërkohë që partneri strategjik Polestar ka si qëllim të përdorë materialet Bcomp në modelet e ardhshme.
Volvo Cars përdori materiale e Bcomp në makinën koncept të quajtur Volvo Cars Concept Recharge në hapësirat e poshtme të bagazhit, pjesën e pasme të mbështetëses së kokës dhe në dysheme. Ato janë përdorur gjithashtu dhe në pjesën e parakolpit.
Llogaritjet e Bcomp tregojnë se krahasuar me pjesët e zakonshme plastike të përdorura, përbërjet me fibër natyrale janë deri në 50% më të lehta, përdorin 70% më pak plastikë dhe gjenerojnë 62% më pak emëtime të CO2.
“Ky investim është një tjetër shembull i angazhimit tonë dhe fokusit strategjik në uljen e emëtimeve të karbonit,” tha Alexander Petrofski, drejtues i Volvo Cars Tech Fund. Volvo Cars planifikon të prodhojë vetëm makina tërësisht elektrike nga viti 2030 dhe të jetë një biznes neutral ndaj ambientit nga viti 2040.
“Ne jemi tepër të inkurajuar nga mundësitë e ofruara nga përbërjet e lirit, dhe kjo është arsyeja se përse ne i kemi përdorur ato në pjesën e brendshme dhe të jashtme të Volvo Cars Concept Recharge” tha Robin Page, ish zëvëndës president i dizajnit në Volvo Cars.
Ambicia e uljes në mënyrë konstante të emëtimeve dhe për t’u shndërruar në një biznes neutral për ambientin në 2040 është pjesë e planit klimatik të Volvo Cars, një ndër më ambiciozët në industri.
