Google kohët e fundit është duke punuar për të ofruar shërbime të reja të Android Auto që do t’u siguronin përdoruesve kontrolle shtesë të automjeteve, me gjasë pasi gjigandi i kërkimit po synon të ofrojë integrim më të thellë.
Google nuk ka ndarë ndonjë specifikë, por një nga mangësitë më të mëdha të Android Auto ka qenë prej kohësh integrimi i kufizuar i automjeteve. Android Auto mund të aksesojë vetëm informacionin e disponueshëm për një smartphone të lidhur me automjetin, kështu që aftësitë më të avancuara do të kërkonin integrim të veçantë të lejuar nga prodhuesi i makinave në nivelin e sistemit info-argëtues. Apple tashmë ka bashkëpunuar me disa prodhues makinash për këtë lloj integrimi, duke përfshirë Ford dhe Porsche, për të lejuar që CarPlay të aksesojë funksionet e automjeteve.
Google mund të synojë për diçka të ngjashme, megjithëse plani është aktualisht i paqartë. Ne e dimë që Google dëshironte të përshtasë Android Auto me aftësi më të avancuara dhe versioni më i fundit i prezantuar për tregon më tepër për këto plane. Android Auto 13.9 beta përfshin dëshmi se Google dëshiron të shtojë kontrollet e temperaturës drejtpërdrejt në aplikacion. Kjo do të thotë se përdoruesit do të jenë në gjendje të rregullojnë temperaturën e ajrit të kondicionuar në kabinë nga Android Auto.
Ndonëse është e paqartë se si Google do ta arrijë këtë qëllim ambicioz pa partneritet me prodhuesit e makinave për një integrim më të thellë të automjeteve Android Auto, është e lehtë të shihet se funksioni do të ishte shumë i dobishëm, sidomos në ditët e sotme ku kontrollimi i temperaturës nuk realizohet më nëpërmjet butonave fizikë. Një tjetër shërbim që Google mund të ofrojë është dhe kontrollimi i radios, drejtpërdrejt nga Android Auto. Në këtë mënyrë ju nuk keni pse të largoheni nga ndërfaqja Android për të ndërruar stacionin e radios që dëshironi të dëgjoni.
