Automjeti i parë në serinë ultra të rrallë Mercedes Mythos është këtu, me Mercedes-AMG që zbulon konceptin PureSpeed përpara Çmimit të Madh të Monakos më 26 maj. PureSpeed është një kabriole me dy vende i krijuar për të gjithë ata që dëshirojnë të shijojnë pamjet e bukura ndërkohë që drejtojnë makinën.
Madje dhe xhami i përparmë nuk është i përfshirë, por për të rritur sigurinë e drejtuesvë është përfshirë një halo i huazuar nga makinat e F1. Dhe pse Mercedes nuk e reklamon kështu, PureSpeed është qartësisht një kabriole e klasit SL të kompanisë pa çatinë dhe xhamin e përparmë. Së bashku me karrocerinë, koncepti ka integruar fenerët dhe dritat e pasme nga klasi SL.
Boja e makinës ndryshon nga e kuqja në pjesën e përparme të makinës në gri grafit dhe të zezë në pjesën e pasme. Mercedes thotë se boja e kuqe është shenjë kujtuese për garën Targa Florio të vitit 1924 në Siçili, ku kompania i lyente automjetet e saj me të kuqe për të shmangur pengimin nga tifozët gjatë gjithë garës.
Mercedes nuk e ka bërë të ditur motorin e përdorur në PureSpeed, por ka të ngjarë që modeli ekskluziv të vijë me motor ose V-8 biturbo me 577 kuaj fuqi si ai në SL63 ose konfigurimin hibrid 805 kuaj fuqi në SL63 S E Performance.
“Si koncepti i automjetit tonë të parë Mythos, ai mishëron nivelin më të lartë të ekskluzivitetit,” tha drejtuesi i AMG Michael Schiebe.
Mercedes do të prodhojë vetëm 250 njësi globalisht. Nëse keni fatin të blini një të tillë, Mercedes do t’ju pajisë me 2 helmeta “të optimizuara aerodinamikisht“.
