Syzet inteligjente Ray-Ban të Meta tani mund të postojnë Stories direkt në llogarinë tuaj në Instagram pa pasur nevojë që ju të nxirrni një telefon.
Shërbimi është një nga disa përditësime që kompania tani ka filluar t’i ofrojë në syzet inteligjente, duke përfshirë mbështetjen për Amazon Music dhe aplikacionin e meditimit Calm. Mbështetja në Instagram do t’i lejojë përdoruesit të kërkojnë nga syzet që të postojnë në aplikacion para ose pas shkrepjes së një fotografie.
Ata mund të thonë: “Hej Meta, shpërndaje foton time të fundit në Instagram” pasi të bëjnë një foto ose t’i thonë të “posto një foto në Instagram” përpara se të bëjë një foto të re. Meta ka punuar gjithashtu me aplikacionin e meditimit Calm për t’i lejuar njerëzit të ndjekin lehtësisht lëvizjet e meditimit të cilat do të shfaqen në syze. Calm do të ofrojë një abonim tre mujor falas për përdoruesit e syzeve inteligjente Ray-Ban Meta për ta provuar atë.
Syzet do të pajisen gjithashtu me aftësinë për të transmetuar këngë nga Amazon Music. Duke thënë, “Hej Meta, luaj këngë nga Amazon Music“, syzet do të luajnë një playlist të rekomanduar të kuruar për përdoruesit. Ndryshimi i volumit ose ndalimi i muzikës mund të bëhet përmes kontrolleve me prekje ose zanore pa e nxjerrë telefonin. Syzet më parë kishin mbështetje për Spotify dhe shtuan Apple Music muajin e kaluar. Meta thotë se veçoritë e reja do të shfaqen “gradualisht”.
