Miguel Claro është një fotograf i apasionuar pas hapësirës, i cili ka arritur kësaj here të shkrepë disa fotografi mjaft të mahnitshme të një komete ndërkohë që ajo lëviz në sistemin tonë diellor. E veçanta e kësaj komete është se ka një bisht të thyer, ndryshe nga kometat e zakonshme.
Claro e dorëzoi fotografinë e shkrepur me një Nikon D850 në Dark Sky Alqueva Observatory në Portugali për të dokumentuar këtë vizitor kozmik që nuk do të rikthehet për të paktën 50,000 vite të tjera. Kometa C/2022 E3 ka kaluar një aventurë shumë të vështirë, dhe gjatë një stuhie diellore i është shkëputur një pjesë e bishtit, siç ilustrohet në imazhe.
“Unë mendoj se kjo gjë nuk është e rregullueshme,” tha Claro për PetaPixel mbi bishtin e thyer të kometës. “Megjithatë nuk mundet të parashikosh asgjë mbi kometat për shkak të erërave të forta diellore që ndryshojnë drejtimin e bishtit pothuajse çdo orë, sidomos gjatë kohës që kjo kometë ishte pranë Tokës.”
Për të shkrepur këto fotografi të mrekullueshme Carlo shkrepi disa fotografi long exposure 3 minuta të gjata, pasi nëse do të regjistrohej për një kohë më të gjatë kometa do të lëvizte jashtë fotografisë si pasojë e shpejtësisë së lartë me të cilën lëviz.
“Në fund, na u desh të integronim disa imazhe. Për një fotografi specifike, kam kombinuar 14 imazhe që janë regjistruar për 200 sekonda secila, të cilat kombinohen në një total prej 47 minutash.” Shpjegon Claro.
