Tesla do të tërheqë çdo Cybertruck të shpërndarë deri më tani për klientët për shkak të një defekti me pedalin e gazit të automjetit, i cili bën që ky pedal të ngecë shtypur, duke rrezikuar jetën e drejtuesve dhe pasagjerëve në makinë.
Sipas Administratës Kombëtare të Sigurisë në Trafikun e Autostradave (NHTSA) të mërkurën, defekti konsiston në pllakën e vendosur në pedalin e gazit i cili mund të rrëshqasë lart kur “ushtrohet forcë e lartë“. Besohet se defekti u shkaktua nga një “ndryshim i pamiratuar” që futi “lubrifikant” gjatë montimit të pedaleve të gazit, gjë që reduktoi qëdrueshmërinë, thuhet në njoftimin e tërheqjes.
Frenat e makinës elektrike do të vazhdojnë të funksionojnë nëse pedali i gazit bllokohet, megjithëse kjo padyshim nuk është një zgjidhje ideale. Tërheqja përfshin “të gjitha automjetet Cybertruck të vitit 2024 të prodhuara nga 13 nëntori 2023 deri më 4 prill 2024 ”, me defektin që vlerësohet të jetë i pranishëm në 100% të totalit të 3,878 automjeteve të dorëzuar drejt klientëve që nga eventi i lançimit të tij vitin e kaluar.
Një tërheqje dukej se ishte e pashmangshme pasi klientët e Cybertruck u njoftuan në fillim të kësaj jave se dërgesat e tyre po vonoheshin, me të paktën një pronar që u informua nga shitësi i automjeteve të tyre rreth këtij problemi. Çështja u theksua gjithashtu nga një tjetër pronar i Cybertruck në TikTok.
:format(webp)/cdn.vox-cdn.com/uploads/chorus_asset/file/25408798/Screen_Shot_2024_04_19_at_10.19.05_AM.png)
Me sa duket rregullimi i këtij problemi është shumë i lehtë për Tesla, dhe sduhet të marrë shumë kohë, por nuk është dhe aq estetik.
