Motorola risjell dizajnin e drunjtë me serinë e re të smartphone-ve Edge

Motorola po prezanton tre telefona të rinj të serisë Edge, duke risjellë një veçori klasike të dizajnit që prezantoi për herë të parë një dekadë më parë: një panel të pasmë prej druri.

Motorola Edge 50 Ultra është pajisja me specifikimet më të mira nga të tre smartphone-t e serisë dhe është e vetmja me opsionin e panelit të pasmë të krijuar nga “druri i vërtetë” (megjithëse dhe lëkura vegane e pjeshkës duket jashtëzakonisht e bukur).

Motorola Edge 50 Ultra vjen me çipin e ri Snapdragon 8S Gen 3, një ekran OLED 6,7 inç me shpejtësi rifreskimi deri në 144 Hz, i cili është “Pantone-validated”. Motorola thotë se ky emërtim vlen për ekranin dhe kamerën dhe se “Çdo pajisje e vërtetuar Pantone ka përmbushur kriteret e vlerësimit dhe klasifikimit të Pantone duke simuluar në mënyrë autentike gamën e plotë të ngjyrave Pantone të botës reale“.

Ultra ka një certifikim IP68 si një pajisje rezistente ndaj ujit dhe pluhurave dhe mbështet karikimin ëireless – dy gjëra që i duhen vërtet një telefoni falgship në vitin 2024. Ka një kamerë kryesore të stabilizuar 50 MP dhe një telefoto 64 MP – të dyja me stabilizim optik – si dhe një 50 MP ultra të gjerë që funksionon njëkohësisht si makro.

Motorola Edge 50 Pro përdor një çip midrange Snapdragon 7 Gen 3, ndërsa Edge 50 Fusion përdor një 6 Gen 1. Të dyja këto pajisje janë vlerësuar me IP68, por vetëm 50 Pro ka karikim ëireless. Zgjedhja e versionit Pro ju jep një lente shtesë: një telefoto 3x të stabilizuar 10 MP.

Motorola pretendon përdorimin e AI në të tre telefonat, duke përfshirë Magic Editor të Google në Photos, megjithëse vetëm 10 modifikimet e para të ruajtura janë falas pa një abonim në Google One.

Motorola Edge 50 Ultra do të ketë çmimin fillestar 999 euro, Edge 50 Pro fillon nga 699 euro dhe Edge 50 Fusion nga 399 euro. Ato do të shiten në pjesë të Evropës, Azisë, Amerikës Latine.