Nëse keni pyetur veten se kur do të jeni në gjendje të porosisni robotin flakë-hedhës që Throwflame me bazë në Ohio njoftoi për herë të parë verën e kaluar, ajo ditë më në fund ka ardhur.
Thermonator, ai që Throwflame e reklamon si “qeni robot i parë me flakëhedhës” tani është i disponueshëm për blerje, për vetëm $9420. Thermonator është një robot katërkëmbësh me një flakëhedhës ARC të montuar në shpinë, të fuqziuar nga benzina.
Bateria e këtij roboti mund të zgjasë deri në një orë, dhe flaka mund të lëshohet në një distancë deri në 9.1 metra larg. Gjithashtu keni të mundur dhe lidhjet Wi-Fi dhe Bluetooth për të kontrolluar robotin përmes një smartphone.
Ai përfshin gjithashtu një sensor LIDAR për hartimin dhe shmangien e pengesave, shikimin me lazer dhe first-person vieë (FPV) përmes një kamere në bord. Produkti duket se integron një version të robotit katërkëmbësh Unitree Go2 që shitet vetëm për $1600 në konfigurimin e tij bazë. Kompania liston aplikimet e mundshme të robotit të ri si “kontrolli dhe parandalimi i zjarreve“, “menaxhimi bujqësor“, “ruajtja ekologjike“, “heqja e borës dhe akullit” dhe “argëtimi dhe SFX“.
