Leaker-i Evan Blass ka publikuar një tjetër pamje të konceptit të Lenovo për laptopin e parë me ekran transparent, përpara prezantimit të supozuar në MWC 2024 në Barcelonë më vonë gjatë këtij muaji, ku Geek Room së bashku me Neptun do të jenë të pranishëm për të informuar ndjekësit me teknologjitë më të reja.
Imazhi i bërë leak nga shtypi tregon dy nga laptopët konceptualë në një tavolinë, me njërën prej pajisjeve që shikohet përtej laptopit me ekranin transparent. Ky është imazhi i dytë i kësaj pajisje, pasi WindowsReport publikoi pamjet e zbuluara për shtyp në fillim të këtij muaji. Ekranet e tejdukshme nuk janë një teknologji e re. Ata janë shfaqur në pajisje konceptuale për më shumë se një dekadë, dhe Samsung madje prezantoi një laptop koncept transparent në CES 2010.
Por 14 vjet më vonë duket sikur kompanitë janë gati të komercializojnë teknologjinë. Ne kemi parë tashmë trena të pajisur me ekrane transparente OLED në dritare në Kinë dhe Japoni, dhe në CES këtë vit LG prezantoi një televizor transparent Signature T që thotë se do të dalë në shitje në vitin 2024.
Përveç ekranit të tij transparent, imazhet e bëra leak të laptopit të Lenovo sugjerojnë se do të ketë një tastierë plotësisht të sheshtë dhe touchscreen. Ekziston gjithashtu një stilolaps i dukshëm pranë njërës prej pajisjeve në imazhin e Blass, kështu që mund të supozohet se do të jeni në gjendje të vizatoni në ekranin e tejdukshëm.
