Ekzistojnë dy lloje njerëzish: ata që ecin shpejt dhe ata që ecin ngadalë, dhe American Medical Association ka arritur në përfundimin se personat që ecin shpejt janë më “superiorët”.
Përmes studimit të ri të botuar në këtë revistë tregohet se këta persona jo vetëm që janë më të zgjuar se personat që ecin ngadalë, por gjithashtu nuk plaken aq shpejt. “Shpejtësia e ecjes në një moshë të mesme na tregon shumë se sa shumë janë plakur trupi dhe truri i tyre me kalimin e kohës”, zbuloi studimi. “Shpejtësia e ecjes nuk është vetëm një tregues i plakjes, por edhe një tregues i shëndetit të trurit gjatë gjithë jetës.”
Shkencëtarët nga Universiteti Duke në Karolinën e Veriut, analizuan lëvizjet e mbi 900 qytetarëve nga Zelanda e Re gjatë një periudhe 40-vjeçare (që nga koha kur ishin tre vjeç deri në moshën 45-vjeçare), duke gjetur një gamë të gjerë përfitimesh nga ecja e shpejtë. U zbulua se, mesatarisht, kishte një ndryshim prej 16 pikësh të IQ-së midis personave që ecin shpejt dhe atyre që ecin ngadalë, në favor të këtyre të parëve. Rezultatet zbuluan se ata që ecnin ngadalë përveç se kishin rezultate më të ulëta të IQ, gjithashtu dhe më pak stabilitet emocional dhe aftësi motorike në moshë të vogël.
Së bashku me IQ më të ulët, personat e ngadaltë kanë një rrezik më të lartë për zhvillimin e demencës dhe truri i tyre plaket më shpejt se ai i personave që ecin shpejt.
