Data 14 shkurt është menduar të jetë periudha më romantike e vitit. Por njerëzit në mbarë botën kalojnë pjesën më të madhe të ditës duke dëgjuar këngë për ndarjet. Vitin e kaluar, Deezer raportoi një rritje të dëgjimit prej 560% të këngëve të dashurisë në ditët para datës 14 dhe besonte se kjo tregonte se romanca është ende e gjallë dhe e mirë.
Megjithatë, kompania gjithashtu raportoi se kënga e Miley Cyrus, “Flowers“, ishte kënga më e transmetuar vitin e kaluar gjatë kësaj periudhe, duke siguruar në total 1.6 miliardë transmetime. Me tekstin që thotë “Unë mund t’i blej vetë lulet” apo “Mund të mbaj vetë dorën time”, përdoruesit e Deezer duket se frymëzohen dhe fuqizohen, ndoshta pas një ndarje nga të dashurit e tyre gjatë kohëve të fundit. Këngë të tjera që dëgjuesit i dëgjuan shumë gjatë Shën Valentinit ishin “Lift Me Up” e Rihanna-s, e cila flet për njerëzit që i mungojnë më së shumti, si dhe “Cuff It” e Beyonce-s, apo “As It Was nga Harry Styles.
Dëgjuesit ka shumë të ngjarë të dëgjojnë këngë të trishtuara vonë në mbrëmje, sipas Deezer, i cili shtoi se këto këngë arritën kulmin rreth orës 20:15 në ditën e Shën Valentinit të vitit të kaluar.
Ekspertët thonë se ka një arsye të mirë pse këngët e trishtuara dëgjohen më tepër se këngët e tjera, duke përmendur se ato mund të “shërojnë një zemër të thyer”. Një studim i vitit 2022 i botuar në Psychology Today zbuloi se muzika e trishtuar mund t’i ndihmojë njerëzit që e përjetojnë keq një ndarje të gjejnë sërish gëzim dhe shpresë në jetë, mund të aktivizojë ndjeshmërinë dhe mund të përmirësojë gjendjen e tyre emocionale.
Studimet tregojnë gjithashtu se njerëzit ndihen nën presion nga dita e Shën Valentinit, duke u ndjerë sikur duhet të jenë romantikë, të dalin në një takim ose të sillen sikur festa është e rëndësishme për ta.
