Takimi ynë i parë me inteligjencën aliene nuk do të jetë një anije kozmike, por mbeturinat e tyre. Kështu argumenton Avi Loeb në librin e tij i cili do të dalë në shitje në 26 janar. Ai është kreu i Departamentit të Astronomisë të Universitetit të Harvardit, dhe teorinë e tij e bazon në një trup qiellor i cili kaloi në sistemin tonë diellor, me prejardhje nga Vega, një yll 25 vite dritë larg nesh.
Në 9 shtator 2017, objekti i quajtur Oumuamua, ishte në pikën e tij më të afërt me Diellin tonë, në 7 tetor ai kaloi pranë Tokës me shpejtësi 94,790 kmh. Ai ishte afërsisht 90 metra i gjatë dhe ishte në formë cilindrike, formë e pazakontë për objektet natyrale qiellore sipas Loeb. Reflektimi i tij ishte 10 herë më i lartë nga asteroidë e kometa të tjera shkëmbore. Ndërsa pika e tij më e fortë ku e mbështet teorinë ka të bëjë me mënyrën si lëvizte ai, sipas studimit ai nuk tërhiqej nga forca gravitacionale e diellit tonë, duke sugjeruar se vinte me një inertsi nga një sistem tjetër. Dielli normalisht do e shpejtojë një objekt teksa ai afrohet drejt tij e më pas në largim ai do të ngadalësojë. Por jo për Oumuamua.
Në përfundim, Loeb dhe kolegët e tij argumentojnë se në fakt ai nuk ishte një asteroid në formë cilindri por një disk me dimensione navigimi. Shumë shkencëtarë të tjerë nuk bien dakort me këtë teori, se cila është e vërteta këtë nuk kemi për ta ditur kurrë pasi Oumuamua është nisur drejt konstelacionit Pegasus.
