Shkencëtarët kanë arritur të zbulojnë një mënyrë për të identifikuar vendndodhjen e njerëzve në një ndërtesë duke përdorur inteligjencën artificiale dhe sinjalet WiFi.
Studiuesit thanë se ata zhvilluan teknologjinë si një përpjekje për të adresuar kufizimet që mjetet aktuale të vizionit kompjuterik 2D dhe 3D si kamerat, Lidar dhe radarët. Në këtë mënyrë kjo metodë do të zëvëndësojë metodat e tjera të lartpërmendura, thjesht duke përdorur valët e WiFi.
“Rezultatet e studimit tregojnë se modeli ynë mund të vlerësojë pozicionin e objekteve të shumta, me performancë të krahasueshme me metodat e tjera imazherike, duke përdorur sinjalet WiFi si të vetmin burim,” shkruajnë studiuesit në studim. “Kjo hap rrugën për krijimin e algoritmeve me kosto të ulët, gjerësisht të aksesueshme për shikimin e njerëzve përtej mureve.”
Studiuesit përdorën një sistem të quajtur DensePose, i cili u zhvillua nga studiues të AI të Facebook të Meta, për të matur sinjalet dhe amplitudën e emetuar nga ruterat WiFi. Modeli i bazuar në WiFi aktualisht është i kufizuar në modelet 2D të njerëzve, megjithatë studiuesit shpresojnë se në të ardhmen do të arrijnë të zbuojnë një mënyrë për të shikuar në një format 3D njerëzit.
Ekipi pretendon se pajisja ofron një alternativë të lirë dhe “miqësore për privatësinë” krahasuar me kamerat dhe Lidars, pasi nuk ofron një imazh të qartë të subjektit. Ato mund të përdoren mjaft mirë në një shtëpi me të moshuar, tregojnë shkencëtarët, duke i lejuar ata të vazhdojnë të jetojnë të pavarur.
“Ne besojmë se sinjalet WiFi mund të shërbejnë si një zëvendësues i kudondodhur i imazheve RGB [kamera] për ndjeshmërinë njerëzore në raste të caktuara,” shkruajtën ata. “Shumica e familjeve në vendet e zhvilluara tashmë kanë WiFi në shtëpi dhe kjo teknologji mund të jetë e shkallëzuar për të monitoruar mirëqenien e të moshuarve ose thjesht për të identifikuar sjelljet e dyshimta në shtëpi.”
