Apple pritet të rinovojë të gjithë serinë e saj të AirPods më vonë gjatë këtij viti me modele të shumta të reja. Përmes një shënimi të ri për investitorët të hënën, analisti Jeff Pu vërtetoi këto pritshmëri dhe tha se Apple do të prezantojë “AirPods Lite” të ri me kosto më të ulët diku gjatë gjysmës së dytë të 2024. Pu gjithashtu konfirmon se AirPods Max të reja do të vijnë më vonë këtë vit.
Në raport, Pu shpjegon se prodhimi i AirPods do të rritet më vonë gjatë këtij viti “në sajë të lançimit të një modeli me kosto të ulët“. Raporti i Pu fokusohet gjerësisht në mënyrën se si këto AirPods të reja do të ndikojnë në zinxhirin e përgjithshëm të furnizimit të Apple dhe partnerëve të tij. Në total, Pu thotë se vëllimi i AirPods do të ulet me 4% nga viti në vit në 2024 në 55 milionë njësi për shkak të “kërkesës në rënie për modelet ekzistuese“.
Pu nuk ofron ndonjë detaj specifik se çfarë do të presim nga këto AirPods me kosto të ulët, të cilave ai i referohet si “AirPods Lite“. Analisti i Apple Ming-Chi Kuo gjithashtu ka raportuar se Apple është duke punuar për një version me kosto të ulët të AirPods që do të prezantohen në 2024. Kuo ka sugjeruar që i ashtuquajturi “AirPods Lite” mund të kushtojë $99.
Edhe Mark Gurman i Bloomberg ka raportuar vazhdimisht se Apple po planifikon të prezantojë AirPods 4 këtë vit me dy modele të ndryshme. Të dy modelet AirPods 4 pritet të kenë një dizajn të ri dhe kuti karikimi USB-C, por vetëm një variant i nivelit më të lartë do të mbështesë veçori si noise cancellation.
