Google ka shtyrë prezantimin e chatbot-it të tij AI, Bard, në Bashkimin Evropian (BE) për shkak të informacionit të pamjaftueshëm që i është dhënë Komisionit Irlandez të Mbrojtjes së të Dhënave (DPC), autoritetit kryesor për mbrojtjen e të dhënave në rajon.
DPC nuk kishte marrë një vlerësim të ndikimit të mbrojtjes së të dhënave ose dokumentacion mbështetës nga Google përpara datës së planifikuar të nisjes. Shqetësimet specifike të ngritura nga DPC në lidhje me Bard nuk u zbuluan. DPC po shqyrton çështjen dhe do të ndajë informacione me autoritetet e tjera të BE-së për mbrojtjen e të dhënave.
Chatbot-i rival i OpenAI, ChatGPT, u përball me shqyrtimin e autoriteteve të BE-së, duke çuar në një pezullim të përkohshëm të shërbimit të tij në Itali. Ndryshe nga OpenAI, Google i nënshtrohet mbikëqyrjes vetëm nga DPC irlandeze. Komisionerja e DPC-së, Helen Dixon, u ka bërë thirrje organeve rregullatore që të zbatojnë rregullat e BE-së për chatbot-et gjeneruese të AI përpara se të vendosin ndalime.
Nuk flitet ende për një dënim të Bard AI në Evropë, pasi shpesh herë këto organe rregullatore shtyjnë marrjen e vendimeve për shkak se nuk kanë gjetur një mënyrë të saktë për aplikimin e rregullave të BE kundrejt përdorimit të inteligjencës artificiale.
