Gjatë ditës së djeshme Apple prezantoi modelet e vitit 2023 të MacBook Pro 14 inç dhe 16 inç, si dhe një Mac mini që përdornin proçesorët M2 Pro dhe M2 Max.
MacBook Pro 14” dhe 16” tashmë përdorin proçesorët M2 Pro dhe M2 Max, të cilat ofrojnë CPU deri në 20% më të shpejtë si dhe GPU deri në 30% në të shpejtë në krahasim me gjeneratën e mëparshme. Ju mund të konfiguroni laptopin tuaj me proçesorin M2 Pro me 10 ose 12-core CPU dhe 16 ose 19-core ose GPU. M2 Max mund të vijë me 12 core CPU dhe 30 ose 38-core GPU.
Proçesorët e rinj vijnë gjithashtu me konfigurime të memories së unifikuar, ku M2 Pro do të vijë me opsionet 16 dhe 32GB ndërkohë që M2 Max do të vijë me 3 opsione, 32, 64 dhe 96GB. Memoria e brendshme mund të përzgjidhet nga 512GB deri në 8TB.
Bateria e laptopëve është përmirësuar falë proçesorëve të rinj. Modeli 14 inç do të mundësojë luajtjen e videove deri në 18 orë ose lundrimin në web për 12 orë, ndërkohë që modeli 16 inç mund të luajë video për 22 orë si dhe të lundrojë në internet për 15 orë.
MacBook Pro 14” do të kushtojë $1,999, $2,499 dhe $3,099 për çdo variant respektivisht. Nga ana tjetër modeli 16” do të kushtojë $2,499, $2,699 dhe $3,499.
Versioni i ri i Mac mini u prezantua gjithashtu gjatë ditës së djeshme me një çmim më të ulët se zakonisht. Modeli i ri do të kushtojë tashmë $599 ndërkohë që ka të përfshirë proçesorët M2. Pajisja ka 8-core CPU dhe 10-core GPU, 8GB RAM që mund të zgjerohet manualisht deri në 24GB.
Ekziston gjithashtu një model i kësaj pajisje që kushton $1,299 i cili vjen me proçesorin M2 Pro, 10-core CPU dhe 16-core GPU.
article by Brenton Benja