Një revolucion është duke u zhvilluar pa shumë zhurmë për të trajtuar një sfidë klimatike të nënvlerësuar globalisht: nxehtësinë ekstreme. Autoritetet lokale kanë emëruar disa persona (CHO)në qytete të ndryshme në mbarë botën gjatë viteve të fundit të cilët kanë si detyrë të përgatisin banorët për periudha gjithnjë e më të shpeshta të nxehtësisë ekstreme.
“Ata e quajnë nxehtësinë vrasës i heshtur,” tha Eleni Myrivili, e cila shërben si CHO për programin e OKB-së dhe ka punuar më parë në një rol të ngjashëm për kryeqytetin grek të Athinës. Myrivili tha se beson se nxehtësia ekstreme shpesh anashkalohet sepse i nuk ka një efekt dramatik të dukshëm si fenomenet e tjera natyrore, si përshembull në rastin e shtëpive apo rrugëve që kthehen në lumenj.
“Nxehtësia besoj se do të jetë sfida numër një e shëndetit publik me të cilën do të përballemi në dekadën e ardhshme. Dhe ne duhet të përgatitemi për të tani, “tha Myrivili për CNBC. “Ne mundemi – por ne me të vërtetë duhet ta bëjmë atë një prioritet.”
Nxehtësia është vrasësi kryesor i lidhur me motin në SHBA. Të dhënat nga Qendrat për Kontrollin dhe Parandalimin e Sëmundjeve treguan se më shumë se 1700 vdekje ishin rezultat i shkaqeve të lidhura me nxehtësinë në vitin 2022, afërsisht dyfishi i numrit të pesë viteve më parë. Studiuesit kanë thënë se këto janë vlerësime të mundshme konservatore.
“Shumica e njerëzve nuk e dinë se në Australi, nxehtësia ekstreme vret më shumë njerëz sesa zjarret dhe përmbytjet dhe stuhitë. Ka një arsye për këtë, dhe është mungesa e të dhënave.” tha Tiffany Crawford, një CHO për Melbourne.
