Japonia ka shtuar parapërgatitjet në rastet e një fatkeqsie natyrore përmes makinerive të reja të shitjeve, të cilat do të ofrojnë ushqim dhe pije falas në rastet e një tërmeti të fuqishëm apo një cikloni.
Dy makineritë e para u instaluan në pjesën perëndimore të qytetit bregdetar Ako, një qytet që është i rrezikuar nga lëvizjet e fuqishme të pllakave tektonike. Sizmologët mendojnë se gjatë dekadave të ardhshme në këtë qytet mund të godasë një tërmet shumë i fuqishëm.
Këto makineri përmbajnë rreth 300 shishe me pije dhe 150 paketime të ndryshme me ushqime dhe janë instaluar pranë ndërtesave që janë dizenjuar si streha evakuimi. Ato janë dizenjuar që të zhbllokohen dhe të ofrojnë ushqimet falas në rast të një paralajmërimi për reshje të shumëta apo pas një urdhri për evakuimin e qytetarëve në rastin e një tërmeti të intensitetit mbi 5 të shkallës matëse japoneze.
Prodhuesi i makinerisë, Earth Corp, e cila ka një fabrikë në këtë qytet, tregon se këto makineri janë të parat në llojin e tyre të instaluara në Japoni, një ndër vendet me aktivitetin sizmik më të lartë si dhe me prezencë të madhe të cikloneve të fuqishme.
“Ne dëshirojmë që të instalojmë shumë më shumë makineri të tilla në të gjithë vendin.” tha një përfaqësues i kompanisë.
