Çipat e Intel mund të rikthehen në laptopët e Apple në 2027

Analisti i zinxhirit të furnizimit, Ming-Chi Kuo, ka sugjeruar se Apple mund t’i drejtohet Intel-it për prodhimin e çipeve të serisë M duke filluar nga viti 2027, një zhvillim që do të ishte mjaft i rëndësishëm për industrinë e gjysmëpërçuesve. Sipas sondazheve më të fundit të Kuo-s, shanset që Intel të bëhet furnizuesi i radhës i Apple për teknologjitë më të avancuara të prodhimit të çipeve janë rritur ndjeshëm në javët e fundit.

Aktualisht, Apple përdor ekskluzivisht TSMC për prodhimin e çipeve për iPhone, iPad dhe Mac. Intel historikisht ka humbur një mundësi të madhe me Apple, pasi nuk arriti të sigurojë prodhimin e procesorëve për iPhone-in e parë. Megjithatë, një marrëveshje e re midis tyre mund të ndryshojë rrjedhën e së ardhmes së Intel-it dhe të diversifikojë zinxhirin e furnizimit të Apple.

Intel expected to begin shipping Apple’s lowest-end M processor as early as 2027

There have long been market rumors that Intel could become an advanced-node foundry supplier to Apple, but visibility around this had remained low. My latest industry surveys, however, indicate that…

— 郭明錤 (Ming-Chi Kuo) (@mingchikuo) November 28, 2025

Sipas Kuo-s, Apple ka nënshkruar një marrëveshje konfidencialiteti me Intel për të marrë qasjen në 18AP PDK 0.9.1GA, një fazë e hershme e zhvillimit të procesit të prodhimit. Apple po pret versionet PDK 1.0/1.1, të cilat priten në tremujorin e parë të 2026-s. Nëse gjithçka ecën sipas planit, Intel mund të nisë prodhimin për çipin më bazik të serisë M në TM2-TM3 2027, duke përdorur teknologjinë e procesit 18AP. Por ky afat mbetet i kushtëzuar nga sukseset teknike pasi Apple të marrë versionin përfundimtar të PDK.

Kuo sugjeron gjithashtu se një bashkëpunim i tillë mund t’i shërbejë Apple për të treguar angazhim ndaj administratës së Trump për “prodhim amerikan”, duke zhvendosur një pjesë të zinxhirit të furnizimit drejt SHBA. Ndërsa për Intel, bashkëpunimi do të sinjalizonte një ringritje të rëndësishme, sidomos nëse proceset e ardhshme si 14A arrijnë të tërheqin më shumë klientë të nivelit të lartë.