Nëse ju pëlqejnë videot e ngadalësuara, me siguri keni dëgjuar për Slow Mo Guys, dy youtubers të përkushtuar që krijojnë video slow-motion të fenomeneve që syri normal i njeriut nuk arrin dot t’i kapë.
Pasi e bënë këtë për më shumë se një dekadë, ekipi pyeti veten nëse ata mund të përpiqeshin të filmonin “gjënë më të shpejtë që ne si racë njerëzore dimë“. Kjo, natyrisht, është drita, që udhëton me kufirin absolut të shpejtësisë së Universit: 300,000 kilometra në sekondë.
Për të regjistruar dritën, ata do të kishin nevojë për pajisje të specializuara, të cilat i gjetën falë ndihmës së CalTech. “Tani, ne kemi filmuar me frame ratës shumë të mëdha. Po flasim deri në gjysmë milioni,” shpjegon prezantuesi në video. “Kamera e tyre turpëron tonën dhe shkrep 10 trilion frames në sekondë. Për referencë, kjo është 20 milionë herë më e shpejtë se më e shpejta që kemi filmuar ndonjëherë në këtë kanal.”
Me këtë frame rate, studiuesi Peng Wang – i cili i ndihmoi ata në departamentin e Compresed Ultrafast Photography – i siguroi ata se mund të shihnin shpejtësinë e dritës. Ose më saktë, se ata do të shihnin dritën duke lëvizur gjatësinë e një shisheje në filmime 2000 pikosekonda.
