Apple po shton një shërbim të ri në iPhone të quajtur Stolen Device Protection që kufizon atë që hajdutët mund të bëjnë me një telefon të vjedhur dhe një passcode.
Ky shërbim po vjen drejt përdoruesve në versionin beta të iOS 17.3, tani e disponueshme për zhvilluesit. Ai funksionon duke përdorur një kombinim të vendndodhjes, skanimeve biometrike dhe vonesave kohore, duke i lejuar viktimat të bllokojnë autorin dhe të ruajnë të dhënat e tyre. Stolen Device Protection Ka si qëllim të zhdukë një praktikë të zakonshme në mesin e hajdutëve të iPhone në vende publike, të cilët shikojnë përdoruesit ndërsa fusin kodin e tyre përpara se të vjedhin pajisjen.
Në raste të tilla, autori mund të ndryshojë fjalëkalimin e Apple ID të pronarit, të çaktivizojë Find My, të shtojë një recovery key dhe të bëjë factory reset smartphone-in për ta rishitur përpara se viktima të mund të bëjë një veprim për t’u mbrojtur.
Për shembull, pa aktivizuar Stolen Device Protection, një hajdut i iPhone që ka parë kodin tuaj mund ta përdorë atë për të ndryshuar fjalëkalimin tuaj të Apple ID, duke ju bllokuar nga pajisja juaj. Kjo lejon xhepistin të çaktivizojë Find My. Më pas, hajduti mund ta shesë pajisjen me vlerën e një smartphone-i të përdorur, në vend që të shesë një pajisje me statusin e bllokuar për shumë më pak para.
Por me funksionin të aktivizuar, telefoni do të kërkojë një skanim të Face ID ose Touch ID nëse përdoruesi është larg një vendndodhjeje të njohur si shtëpia ose puna. Do të kërkojë gjithashtu të prisni një orë përpara se të ndryshoni fjalëkalimin e Apple ID në pajisje. Pas kalimit të një ore, do të kërkojë sërisht Face ID ose Touch ID Scan përpara se të ndryshojë fjalëkalimin e Apple ID nga iPhone. Kjo e bën shumë më të vështirë punën për hajdutët dhe i jep pronarit kohë për të raportuar iPhone si të vjedhur, duke e bllokuar atë.
