Studiuesi i sigurisë kibernetike Troy Hunt – i cili drejton faqen e internetit HaveIBeenPwned – parashikoi se problemet IT të CrowdStrike do të vendosnin një rekord të ri si ndërprerja më e madhe e IT në histori dhe shifrat duket se e mbështesin atë. Kompania e sigurisë kibernetike Parametrix ka mbledhur disa vlerësime të kostos së ndërprerjes, me kompanitë e kujdesit shëndetësor që rezultojnë më të goditurat nga ky problem teknologjik.
Parametric vlerësoi si përfundim se kostoja totale e ndërprerjes vetëm për kompanitë e Fortune 500 ishte 5.4 miliardë dollarë.
Të gjitha linjat ajrore që ishin pjesë e Fortune 500 dhe afërsisht 75% e organizatave kryesore të kujdesit shëndetësor dhe bankave u prekën nga ndërprerjet. Parametrix vlerëson se humbjet totale të siguruara në Fortune 500 bien midis $540 milion dhe $1.08 miliardë. Sektori i kujdesit shëndetësor mori goditjen më të madhe kolektive, duke humbur afërsisht $1.9 miliardë nga ndërprerjet. Nga ana tjetër, linjat ajrore humbën rreth $860 milionë, sipas analizës së Parametrix.
Ironikisht, sektori i IT-së u prek më pak, sepse shumica e zhvilluesve i drejtojnë sistemet e tyre në Linux. CEO i CrowdStrike, George Kurtz, thotë se 97% e makinerive të prekura tani janë tashmë në linjë.
