Robert Downey Jr. po kthehet në Marvel Cinematic Universe, por jo në rolin e tij të njohur si Iron Man. Ai do të marrë një rol të ri dhe do të mbajë një maskë të re – atë të Victor von Doom, një prej personazheve negativë më të mëdhenj të Marvel.
RDJ nisi karrierën e tij në MCU në filmin Iron Man të 2008-ës dhe personazhi i tij shumë i dashur Tony Stark luajti për herë të fundit në filmin Avengers Endgame të 2018-ës. Downey zbuloi rolin e tij të ri në skenën e Hall H, duke dalë me një maskë të Dr. Doom dhe duke e hequr atë për të zbuluar fytyrën e tij para një publiku të befasuar.
Komenti i tij ishte i thjeshtë: “Maskë e re, detyrë e njejtë”.
Si pjesë e panelit të San Diego Comic-Con 2024 të Marvel Studios, studioja njoftoi se ekipi drejtues Joe dhe Anthony Russo do të kthehen për të drejtuar disa filma të rinj Avengers, me Avengers: Doomsday që do të vijë në 2026 dhe Avengers: Secret Wars pas një viti.
Victor von Doom do të veprojë si antagonisti kryesor në këto filma. Downey kishte thënë në intervistat e fundit se ai do të kthehej në MCU “plot gëzim“.
“Është shumë pjesë përbërëse e ADN-së sime”, tha Downey. “Ai rol më zgjodhi mua. Dhe shikoni, unë gjithmonë them, kurrë, kurrë mos vini bast kundër Kevin Feige. Është një bast i humbur. Ai është shtëpia. Ai gjithmonë do të fitojë.”
Victor von Doom është armiku për një kohë të gjatë i familjes themeluese të Marvel, Fantastic Four, kështu që prezantimi i personazhit tani, menjëherë pas Fantastic Four: The First Steps, ka kuptim.
