Astronomët kanë shfaqur një fotografim të ri të vrimës së zezë super masive në qendër të galaksisë M87. Kjo fotografi është disa herë më e qartë se fotoja e parë historike e një vrime të zezë në 10 prill 2019 nga teleskopi Event Horizon, ku dallohet drita e polarizuar që tregon fushën magnetike tepër të fuqishme.
Në foton e 2019 tregohej një rreth i turbullt portokalli, që ndodhej 53 milionë vite dritë larg dhe u krijua nga 8 radio observatories të shpërndarë në 4 kontinente të ndryshëm.
Rezolucioni i kombinuar i tyre arriti të kapte pamjet në qendër të M87 duke bërë të dukshëm gazin shumë të nxehtë dhe pluhurat që rrotullohenin rreth kësaj vrime. Në studimet e reja të publikuara nga Astrophysical Journal, astronomët tregojnë se u rikthyen në të dhënat që kishin grumbulluar nga fotografimi i parë për të analizuar lëvizjet e dritës së polarizuar rreth objektit. Zakonisht valët e dritës lëkunden para-mbrapa në drejtime të ndryshme. Mirëpo në këtë rast këto valë polarizohen nga fusha magnetike tejet e fuqishme dhe kufizohen në një plan të vetëm linear. Ky plan ndjek vijat e fushës magnetike duke krijuar një pamje më të qartë se ai i 2019.
Zbulimi është mjaft i rëndësishëm pasi duke studiuar se si fusha magnetike funksion dhe ndryshon me kalimin e kohës, shkencëtarët mund të perceptojnë më mirë se si materiali që gjendet pranë vrimës së zezë sillet dhe si influencohet, gjë që na tregon shumë rreth formimit dhe rritjes së këtyre vrimave supermasive.
