Ditën e djeshme Google organizoi eventin e përvitshëm Google I/O, gjatë së cilit prezantoi një gamë të gjerë produktesh. Ora e parë e prezantimit iu kushtua vetëm teknologjive AI që po zhvillohen nga Google dhe që mund të prezantohen gjatë këtij viti. Madje që para fillimit të eventit Dan Deacon luajti muzikë të ndryshme të krijuara nga AI përmes MusicLM.
Më poshtë do të përmendim më specifikisht të gjitha shërbimet dhe produktet e prezantuara gjatë ditës së djeshme.
Google Maps prezantoi një shërbim të ri “Immersive View for Routes” për qytete të caktuara. Ky shërbim përdor AI dhe computer vision për të grumbulluar me miliona fotografi nga Street View për të krijuar një model dixhital të botës reale.
Magic Editor në Google Photos është një shërbim i fuqizuar nga AI që do të lejojë përdoruesit të editojnë copëza të caktuara nga fotografitë pa patur nevojë që të dini detaje mbi editimin.
PaLM 2 është modeli më i ri gjuhësor i Google i cili vjen me aftësi të përmirësuara multilinguale, të arsyetimit apo shkrimit të kodeve të ndryshme. Ai është trajnuar në më tepër se 100 gjuhë me informacione që gjenden në burime publike në internet.
Chatbot-i Bard është pajisur gjithashtu me shërbime të reja, madje Google ka nisur bashkëpunimin me Adobe për të mundësuar gjenerimin e formave të ndryshme të artit përmes Bard.
Google Workspace sjell shërbimin “Help me write” në Docs dhe Gmail, ndërkohë që Duet AI do të ofrojë mundësinë e gjenerimit të imazheve nga përshrkimet që ju jepni në Slides dhe Meet.
Search do të fuqizohet nga AI përmes dy shërbimeve të reja “About this Image” si dhe nëntekstin “AI-generated” në të gjitha imazhet e krjiuara nga inteligjenca artificiale, duke përmirësuar kështu kërkimin e fotografive.
Në ekosistemin Android do të vijnë dhe shërbimet AI për të përmirësuar ndërlidhjen midis pajisjeve. “Fast Pair” do të jetë shërbimi më i ri i cili do të ndërlidhë në mënyrë të shepjtë wireless pajisje të ndryshme.
Pajisjet e prezantuara gjatë këtij evenit: Pixel 7a, Pixel Tablet dhe Pixel Fold
Pixel 7a është pajisja më e re midrange nga Google, një smartphone me ekran 6.1”, proçesor Tensor G2, kamera kryesore 64MP si dhe shërbime specifike AI për smartphone-t Pixel. Pixel 7a do të dalë në shitje me një çmim $499.
Pixel Tablet është lançuar më në fund pas një viti testim, me ekran 10.95” LCD dhe refresh rate 60Hz, proçesor Tensor G2, një kamera të vetme në pjesën e pasme 8MP dhe një selfie dhe bateri 7020mAh. varianti me 8GB RAM/ 128GB internal storage vjen pranë jush me një çmim prej $499.
Pixel Fold është pajisja e parë e palosshme e prezantuar nga kompania, që vjen me një çmim premium $1,799. Më tepër detaje rreth kësaj pajisje do t’i gjeni këtu.
