Në më pak se dy javë, Mobile World Congress do të nisë në Barcelonë dhe Geek Room do të jetë i pranishëm për të prezantuar para ndjekësve produktet më të reja dhe inovative të prezantuara nga kompanitë më në zë. Këtë vit, MWC mbahet në datat 3-6 mars, kështu që ju ftojmë të na ndiqni në rrjetet sociale për të mësuar më tepër rreth këtij eventi.
Çfarë presim nga MWC këtë vit?
Xiaomi
Në dy vitet e fundit, Xiaomi ka shfrytëzuar këtë event për të prezantuar produkte tepër të rëndësishme për kompaninë. Këtë vit, kompania ka një event të planifikuar për të dielën dhe ne dyshojmë fuqishëm se do të shohim flagship-in e ri të kompanisë për Evropën. Pra bëhet fjalë për Xiaomi 15, i cili tashmë është lançuar në Kinë, por është e mundur që të shohim edhe një variant më të fuqishëm.
Nëse Xiaomi 15 Ultra prezantohet, mund të prisni që ai të jetë më shumë një kamera sesa telefon, me specifikat më të mira në treg dhe një dizajn të ndryshëm nga Xiaomi 15 i zakonshëm.
Nothing
Nuk ka surpriza të mëdha këtu, pasi Nothing tashmë ka dërguar ftesa për eventin e prezantimit të Phone (3a). Mund të presim edhe një herë të shohim një telefon Android pjesërisht të tejdukshëm, me një çmim të përballueshëm.
I vetmi mister këtu është nëse kompania do të prezantojë edhe diçka tjetër gjatë eventit; Ftesa zyrtare është për “Serinë (3a)“, kështu që ndoshta do të shohim më shumë se një variant.
Samsung
Si zakonisht, Samsung nuk bën prezantime të mëdha gjatë MWC, megjithatë gjithmonë sigurohet që të sjellë diçka të re.
Vitin e kaluar, u shfaqë për herë të parë Samsung Galaxy Ring. Këtë vit, pajisja që të gjithë duan të shohin është Samsung Galaxy S25 Edge, flagship i ri super i hollë që u përfol në janar; edhe pse një gjë e tillë ka shumë pak gjasa të ndodhë.
Honor
Honor ka një event të planifikuar për të dielën, më 2 mars, dhe ne supozojmë se kompania do të shfaqë pajisje të reja në Barcelonë.
Vitin e kaluar, Honor lançoi laptopin Magic6 Pro dhe Honor MagicBook Pro 16. Këtë vit, megjithatë, kompania do të zbulojë diçka të quajtur Honor Alpha Plan, dhe sido që të jetë, do të ketë shumë të bëjë me AI.
TCL
TCL gjithmonë prezanton një numë të madh produktesh gjatë Mobilw World Congress. Ne presim të shohim më shumë nga telefonat NXTPAPER, të cilët janë po aq të lehtë për sytë sa e-readers, por po aq të aftë sa telefonat e zakonshëm.
Nokia (HMD Global)
Që kur marka Nokia u ble nga HMD Global, kompania vazhdon të kthehet në MWC për të na kujtuar versionin legjendar të Nokia-s dhe për të prezantuar edhe disa telefona të përballueshëm në anën tjetër. Kompania ka një ngjarje të planifikuar për 2 Mars, kështu që prisni të shihni disa Nokia të reja në këtë datë.
Lenovo
Lenovo është mbreti i laptopëve të çuditshëm. Vitin e kaluar, kompania solli një laptop transparent në Barcelonë që ishte tepër e bukur për t’u parë.
Këtë vit, thashethemet thonë se Lenovo do të zbulojë ThinkBook Flip AI, një laptop me një ekran gjigant dhe të palosshëm. Motorola (pjesë e Lenovo) gjithashtu tenton të sjellë gjëra interesante në Barcelonë çdo vit.
