Lenovo ka prezantuar laptopin e parë transparent në botë gjatë MWC 2024 në Barcelonë, ku Geek Room dhe Neptun janë të pranishëm për të informuar ndjekësit me inovacionet më të reja teknologjike.
ThinkBook Transparent Concept përfshin një ekran 17.3” transparent që duket sikur vjen nga një film fantastiko-shkencor si dhe një tjetër ekran të tejdukshëm në zonën e tastierës, pra tastet nuk janë fizik. Transparenca e ekranit arrin deri në 55% kur pikselat janë të zeza, megjithatë kjo transparencë ulet kur këto piksela ndizen. Ky laptop koncept ka një ndriçim maksimal prej 1,000 nits dhe rezolucion 720p.
Sidoqoftë, ndryshe nga shumica e ofertave premium, Lenovo Thinkpad Transparent nuk ka një panel AMOLED, por një ekran MicroLED. Ekrani MicroLED pritet të ofrojë një saturim më të mirë, transparencë, shkëlqim dhe cilësi më të mirë të imazhit në krahasim me alternativën e tij OLED, sipas specialistëve.
Lenovo nuk zbuloi ndonjë specifikim të lidhur me harduerin e ofertës së tij të fundit transparente, ndërsa ndau se funksionon në sistemin operativ Windows 11, ngjashëm me shumë produkte të tjera premium. Përveç ekranit transparent, video konceptuale e Lenovo tregoi gjithashtu një tastierë të sheshtë me prekje, e cila është një projeksion dhe jo një tastierë aktuale, dhe tastiera fillon të zhduket kur e afroni stilolapsin pranë Thinkbook. Lenovo tha se laptopi transparent mund të jetë veçanërisht i dobishëm për artistët ose arkitektët, duke i lejuar ata të skicojnë.
Nuk ka ende një datë për prezantimin e këtij produkti në masë, por drejtuesi i lartë në Lenovo, Tim Butler tregoi se kompania “beson që në 5 vitet e ardhshme ky laptop do të ofrohet në treg”.
