Samsung gjatë eventit të sotshëm të organizuar në Louvre, ku Geek Room ishte prezent dhe informoi ndjekësit rreth inovacionet më të reja të prezantuara nga kompania, ndër të cilat përmendim pajisjet e palosshme Galaxy Z Fold6, Z Flip 6, serinë e re të orave inteligjente Galaxy Watch dhe versionin Ultra, Galaxy Ring si dhe më në fund kufjet e reja Galaxy Buds3 dhe Buds 3 Pro.
Të gjithë përdoruesit do të kenë mundësi të reja komunikimi përmes Galaxy Buds3 të cilat janë të fuqizuara nga inteligjenca artificiale e Galaxy AI.
Shërbimi Interpreter iu vjen në ndihmë të gjithë atyre personave të cilët po ndjekin një klasë në gjuhë të huaj, për të përkthyer leksionin në kohë reale në gjuhën që ju përshtatet më tepër. Kështu ju nuk do të keni më ankesa ku thoni “nuk e kuptova mirë leksionin se ishte ne gjuhë të huaj”.
Gjithashtu komandimi bëhet shumë herë më i lehtë përmes Voice Command, që ju lejon të kontrolloni luajtjen e muzikës apo audiove të ndryshme pa e prekur fare smartphone-in tuaj.
Ju mund të zgjidhni që të izoloni zhurmat e jashtme përmes aktivizimit të modalitetit ANC (adaptive noise control) megjithatë ju mundeni dhe të përforconi zhurmat e jashtme në rastet kur dëshironi të bëni një bisedë me miqtë pa hequr kufjet ose të dëgjoni zhurmat e makinave apo sirenave përreth, në mënyrë që të ndiheni të mbrojtur.
Inteligjenca artificiale do të bëjë të mundur rregullimin optimal të nivelit duke mësuar nga përdorimi juaj, dhe ju s’do të keni nevojë ta rregulloni manualisht atë.
E rëndësishme të përmendet është dhe dizajni i ri me bisht i Buds3, që e bën më të thjeshtë dhe më të rehatshme kontrollimin e pajisjes thjesht duke e shtrënguar ose duke rrëshqitur lart ose poshtë bishtit.
Buds3 Pro është i pajisur me harduerë më të avancuar për të ofruar një përvojë më të lartë të dëgjimit, altoparlantë të përmirësuar nga të dyja kahet dhe një amplifikues të dyfishtë për cilësinë premium të tingujve.
Për më tepër kodeku SSC bën të mundur që të dëgjoni burimin e audios fiks siç është krijuar, një teknologji që mund të shtrihet dhe në telefonata. Machine-learning dhe modelet e paratrajnuara lejojnë që zëri origjinal të rivendoset në mjedise të ndryshme zhurmash.
Seria Galaxy Buds3, e karakterizuar nga një dizajn jashtëzakonisht elegant dhe modern është i disponueshëm në ngjyrë argjendi ose të bardhë, me një çmim fillestar prej 17,999 Lekë për Buds3, ose 23,999 Lekë për Buds3 Pro.
