7 kompanitë lider në tregun e inteligjencës artificiale janë bashkuar dhe kanë vendosur të luftojnë rreziqet që vijnë nga kjo teknologji, duke testuar sigurinë e tyre dhe duke i bërë rezultatet e testeve publike.
Përfaqësues nga Amazon, Anthropic, Google, Inflection, Meta, Microsoft dhe OpenAI iu bashkuan Presidentit të SHBA Joe Biden për të bërë njoftimin. Ky vendim vjen pas një numri paralajmërimesh në lidhje me aftësitë e teknologjisë. Ritmi me të cilin kompanitë kanë zhvilluar sistemet e tyre AI ka shkaktuar frikë për përhapjen e informacioneve të gabuara, veçanërisht në prag të zgjedhjeve presidenciale të 2024 në SHBA. “Ne duhet të jemi vigjilentë në lidhje me kërcënimet që vijnë nga teknologjitë në zhvillim të cilat mund të paraqesin rrezik për demokracinë dhe vlerat tona”, tha Presidenti Joe Biden gjatë komenteve të premten.
Si pjesë e marrëveshjes së nënshkruar të premten, kompanitë ranë dakord të:
- Testojnë sigurinë e sistemeve të tyre të AI nga ekspertë të brendshëm dhe të jashtëm përpara lëshimit të tyre.
- Sigurojnë që njerëzit janë në gjendje të dallojnë krijimiet e AI nga ato të njerëzve.
- Raportimi publik i aftësive dhe kufizimeve të AI në baza të rregullta.
- Hulumtimi i rreziqeve të tilla si paragjykimi, diskriminimi dhe cenimi i privatësisë.
Qëllimi është që të jetë e lehtë për njerëzit të tregojnë se kur përmbajtja në internet krijohet nga AI, shtoi Shtëpia e Bardhë. “Kjo është një përgjegjësi serioze, ne duhet ta bëjmë atë siç duhet,” tha Biden.
Watermarks për përmbajtjen e krijuar nga AI ishin ndër temat që komisioneri i BE-së Thierry Breton diskutoi me shefin ekzekutiv të OpenAI Sam Altman gjatë një vizite në qershor në San Francisko. “Mezi pres të vazhdojmë diskutimet tona – veçanërisht për watermarks,” shkroi Breton në një postim në Tëitter që përfshinte një fragment video të tij dhe Altman.
