Testimet e qarqeve të Neuralink mbi njerëz mund të fillojnë nga fundi i 2021. Këtë na e bën të ditur vetë Musk, sigurisht nëpërmjet rrjeteve sociale.
Një ndjekës i tij shkruan se ishte aksidentuar përpara 20 viteve, e prej asaj kohe kishte mbetur i paralizuar, ai është i gatshëm që tia japë trurin dhe mendjen e tij për teste.
Musk nuk ka vonuar të përgjigjet; “Neuralink po punon shumë për të siguruar sigurinë në implantim dhe është në diskutime të ngushta me FDA për të marrë lejen. Nëse gjërat shkojnë mirë ne do të mund të fillojmë provat në fund të vitit.”
Potenciali i një sistemi lidhës midis trurit dhe botës digjitale është i pafundëm. Gjatë një prezantimi vitin e shkuar neurokirurgu Matthew MacDougall tha se ata kanë arritur të depërtojnë deri në sipërfaqen e trurit. Synimi është të shkojnë deri në hipotalamus, zona e trurit goxha kyç për sëmundjet mendore. Nëpërmjet saj kompania synon të ndërhyje në diagnoza si varësia, depresioni apo ankthi.
Gjatë po të njejtit prezantim, Musk shpjegoi shumë detaje për atë çka pritet nga Neuralink. Krijimi i një ndërfaqeje lidhëse midis trurit dhe serverave do të mundësojë proçesimin e kujtimeve dhe informacioneve si të dhëna digjitale, gati për t’u ruajtur diku tjetër e për t’u riparë. Sa vjen e më shumë i ngjason Black Mirror-it, por skemi çbëjmë e ardhmja duket mjaft e çuditshme.
