Shërbimi i transportimit ajror në Canberra, Australi, u detyrua të ndërpritet përkohësisht pasi dronët po sulmoheshin vazhdimisht nga zogjtë që mbronin foletë e tyre.
Wing, e cila operohet nga kompania Alphabet e Google, kishte filluar dorëzimin e porosive të ndryshme, që nga kafeja, ilaçet dhe pajisje për zyra për qytetarët e Canberra që në 2019. Mirëpo ditën e martë u mor vendimi për ndërprerjen e shërbimit deri sa të gjehej një zgjidhje mbi problemin e sulmimit nga zogjtë e ndryshëm.
Ky vendim vjen në një kohë mjaft të mirë për Wing, pasi kërkesa ishte rritur shumë si pasojë e izolimit të këtij qyteti me qëllim parandalimin e përhapjes së koronavirusit.
Një sulm nga korbi u regjistrua nga Ben Roberts (video tashmë është bërë private, por mund të ndiqni intervistën e mëposhtme), një përdorues i rregullt i shërbimit Wing (pasi porosiste kafe çdo mëngjes),i cili e postoi këtë video online. Ai u shpreh për Canberra Times: “Është vetëm një çështje kohe para se një tjetër dron të sulmohet nga zogjtë. Ato mendojnë se dronët janë si Terminatori ose diçka e ngjashme.”
Sorrat dhe lloje të tjera zogjsh si skifterët dhe shqiponjat janë përgjegjëse për sulmet ndaj dronëve transportues. Inxhinieri Wayne Condon u shpreh: “Në fund të ditës, qielli është i tyre dhe ne jemi vetëm vizitorë. Duhet të veprojmë shpejt dhe të shmangim kalimin pranë foleve të tyre.”
