Mastercard prej 2 vitesh është përpjekur të sjellë një kartë krediti biometrike, duke nisur një projekt pilot që do të verifikonte pagesat duke i kërkuar përdoruesve të vendosnin gishtin në një çip brenda kartës. Nëse numri PIN do të përputhej me shenjën e gishtit atëherë pagesa do të kryhej.
Tani Samsung tha se kanë nisur zyrtarisht bashkëpunimin me Mastercard për të krijuar një kartë krediti të pajisur me skaner të shenjës së gishtit. Të ashtuquajturat karta krediti biometrike do të vijnë me një çip diskret nga ana e Samsung që planifikohet të jetë kompatibël me terminalet që për momentin pranojnë pagesa nga Mastercard dhe më pas në çdo POS.
Sipas deklaratave, e vetmja gjë që përdoruesit duhet të bëjnë pasi të pajisen me këto karta është vendosja e gishtit në çipin që ndodhet në kartë dhe pagesa do të konfirmohet.
Avantazhet dhe disavantazhet
Nga njëra anë, përdorimi i këtij sistemi nënkupton se ju do t’i besoni Mastercard të dhënat tuaja biometrike. Duke marrë në konsideratë historitë e ndryshme të vjedhjes së të dhënave biometrike, besimi i tyre në një kompani si Mastercard do të ishte e vështirë. Por në anën tjetër ju mund ta ndërmerrni këtë risk dhe të shijoni mënyrën e re të pagesës pa kontakt.
Kompania Samsung do të nisë përdorimin gradual të kartave të reja biometrike në Korenë e Jugut. Për momentin nuk kemi informacion nëse këto karta do të vijnë në tregje të tjera.
