Pirateria në internet ka ekzistuar pothuajse për aq kohë sa dhe interneti, dhe për sa kohë çmimi i shërbimeve të transmetimit të videove dhe këngëve është rritur— përdoruesit joshen lehtësisht nga platformat e piraterisë.
Një analizë e re nga MUSO, një kompani me bazë në Mbretërinë e Bashkuar, dhe Kearney, tregon se si është rritur numri i vizitave në website-t pirate gjatë viteve të fundit. Numri i vizitave në faqet pirate në internet arriti në 141 miliardë në 2023, duke llogaritur rreth 386 milionë vizita çdo ditë.
Ky numër shënon një rritje prej 12% që nga viti 2019, sipas MUSO. Shumica e piraterisë ndodhin në SHBA dhe Indi, sipas analizës, megjithëse Evropa dhe Azia kanë më shumë pirateri për frymë.
Në të gjithë Azinë, ka pasur një mesatare prej 34 vizitash në faqet e internetit të piraterisë në vitin 2023 për çdo person, krahasuar me 26 vizita të piraterisë në vit në Amerikën e Veriut. “Rritja globale e piraterisë së përmbajtjes video është shqetësuese,” thotë Christophe Firth, një partner në Kearney.
Arsyeja e rritjes së vizitave të drejt këtyre faqeve varet nga teknologjia, thotë Andy Chatterley, themelues dhe CEO i MUSO. “Në 10 vitet e fundit, dhe veçanërisht në pesë vitet e fundit, ne kemi pasur një përhapje të madhe të këtyre platformave,” thotë ai. “Si pasojë, për shkak se ata janë fshehur pas kopshteve të rrethuara me mure, pirateria është rritur dhe është zhvendosur në teknologji të ndryshme.”
Shpesh herë përdoruesit janë të detyruar të regjistrohen në platforma të ndryshme për të parë serialin e tyre të preferuar, pasi ato nuk gjenden të gjithë në një platformë të vetme. Kjo gjë ka bërë që ata të lodhen nga ky abonim në platforma të ndryshme, duke iu drejtuar faqeve pirate që i ofrojnë të gjithë serialet. Gjithashtu dhe kompanitë po luftojnë sjelljet e klientëve, duke penguar shpërndarjen e password apo dhe nisin të shfaqin reklama, dhe pse çmimet vazhdojnë të rriten – duke i bërë shërbimet e piraterisë të ofrojnë një përvojë më të qetë shikimi.
Pirateria e filmave në Indi u rrit 80% midis 2022 dhe 2023, sipas analizës së kompanisë. Përmbajtja anime është një nga vatrat e piraterisë globale, sipas analizës, që përbën 25% të përmbajtjes pirate në të gjithë botën vitin e kaluar.
