Një krijesë misterioze me 24 sy është zbuluar për herë të parë në një liqen të vogël në Hong Kong. Shkencëtarët e zbuluan këtë krijesë ndërkohë që bënin kërkime në Mai Po Reserve, dhe arritën në përfundimin se ky është një lloj tërësisht i ri i kandilave të detit.
Krijesa ka një trup transparent katror shumë të vogël, rreth 1,5cm dhe tre tentakula të gjata 10cm. E çuditshmja me këtë kandil është fakti se ka 24 sy, të grupuara në 4 grupe me nga 6 sy. Ky është zbulimi i parë i një specie të re në ujrat kinezë nga familja e kandilave Tripedaliidae, ku përfshihen disa nga kafshët më helmuese të detit.
Nëpërmjet tentakulave të tyre të gjata këto kandila lëshojnë toksina të cilat mund të shkaktojnë paralizë, arrest kardiak apo dhe vdekjen e menjëhershme brenda pak minutash pas rënies në kontakt me lëkurën e njerëzve.
Studiuesit kryesor Qiu Jianwen tha se kandilat me trup katror nuk janë aq të njohur në ujrat kineze dhe beson se ky zbulim tregon për diversitetin e lartë të specieve në Hong Kong. Pasi kjo specie ishte e re në këtë regjion, Jianwen tregoi se e kanë emërtuar Tripedalia maipoensis, pra sipas vendit ku u gjet.
“Ne besojmë se kjo krijesë mund të jetë përhapur dhe në ujërat e lumit Pearl.” shtoi ai.
