Neuralink sapo ka bërë një hap masiv përpara, pasi CEO Elon Musk njoftoi se startup-i ka implantuar një çip në trurin e një njeriu për herë të parë. Ky lajm u bë i ditur përmes një postimi në X. Musk dha pak detaje, por tha se pacienti “është në fazën e rekuperimit“.
“Rezultatet fillestare tregojnë një rezultat mjaft të mirë në zbulimin e aktivitetit maksimal të neuroneve,” shkroi Musk në rrjetin social që bleu në vitin 2022. Megjithatë është ende e paqartë në këtë fazë se sa e suksesshme ishte kjo procedurë ose çfarë rezultati do të presë pacienti nga kjo ndërhyrje.
Neuralink po zhvillon një ndërfaqe të re me qëllim që të lejojë njerëzit të kontrollojnë pajisjet duke përdorur vetëm mendjen e tyre. Me sa duket, qëllimi i kompanisë është të ndihmojë njerëzit që vuajnë nga paraliza të përdorin pajisje që do t’i lejojnë ata të komunikojnë dhe të lëvizin më lehtë.
Sidoqoftë, kjo teknologji hap gjithashtu mundësi për përdorime më të çuditshme, të tilla si komunikimi tru më tru, vjedhja e mendimeve dhe aftësia për të jetuar përgjithmonë duke shkarkuar trurin e vjetër në trupat e rinj. Këto aplikime të çuditshme janë ende shumë larg, megjithëse fillimi i provës së parë njerëzore të Neuralink është i sigurt se do të çojë në hapa të tjera.
Neuralink gjithashtu është akuzuar vazhdimisht për mizori ndaj kafshëve gjatë eksperimenteve të tij të mëparshme mbi majmunët. Sipas ankesave të ngritura nga Physicians Committee for Responsible Medicine (PCRM), disa majmunë u dëmtuan rëndë nga pajisja, me disa që vuajtën nga infeksionet, edema të trurit, paraliza, konvulsionet dhe depresioni.
