Roboti humanoid i Elon Musk, Optimus, ka pësuar një metamorfozë të rëndësishme, duke hequr dorë nga rrëmuja e prototipit të tij të hershëm për një formë të rafinuar dhe lëvizshmëri më të mirë.
Optimus Gen 2 i sapo prezantuar tregon për një përparim si në aftësitë lëvizëse ashtu edhe në sofistikim, duke lënë të kuptohet së në të ardhmen robotët do të jenë të pranishëm në fabrika dhe potencialisht të integrohen në jetën tonë të përditshme. Elon Musk ka postuar një video të re në X, duke shfaqur versionin më të fundit të robotit humanoid të Tesla, Optimus.
Videoja zbulon se Optimus – Gen 2 ka pësuar përmirësime të rëndësishme në krahasim me versionin e tij të mëparshëm, që u prezantua në maj të këtij viti. Estetika industriale e mëparshme është zhdukur. Optimus Gen 2 krenohet me një fizik të thjeshtë, 10kg më të lehtë dhe këmbë sportive të frymëzuara nga njeriu me lëvizshmëri të përmirësuar. Ky dizajn më elegant nuk është thjesht kozmetik; përkthehet në një rritje prej 30% në shpejtësinë e ecjes, një përmirësim i dukshëm.
Videoja përmban gjithashtu një segment humoristik ku Optimus imiton aftësitë e kërcimit të Musk, të cilat ai i shfaq shpesh në eventet e lançimit të Tesla.
Musk prezantoi për herë të parë Optimus në 2021, duke thënë se qëllimi i robotit është të “eliminojë detyrat e rrezikshme, të përsëritura dhe të mërzitshme“. Videoja e re tregon se Optimus ka përmirësuar ekuilibrin dhe kontrollin e trupit dhe mund të lëvizë më natyrshëm. Ndoshta përparimi më mbresëlënës qëndron në “duart e reja” të tij.
Musk ka shpresa të mëdha për Optimus dhe beson se ai do të tejkalojë në vlerë biznesin e makinave dhe teknologjinë plotësisht automatike të Tesla-s.
