Instagram do t’ju ndihmojë të përmirësoni Notes tuaja duke ju lejuar të postoni video në të, sipas njoftimit të Meta të mërkurën.
Notes deri më tani kanë qenë të bazuara në tekst, që do të thotë se ato aktualisht funksionojnë për të shkruar një status të shkurtër, ose për të shpërndarë një këngë me të cilën “jeni fiksuar” momentalisht. Shtimi i videos ju jep pak më shumë hapësirë për të qenë kreativ me Notes tuaja ndërkohë që mund të shtoni dhe një caption. Por duke qenë se Video Notes mund të jenë vetëm dy sekonda të gjata, ato nuk do të zëvendësojnë Stories në Instagram.
Kompania po prezanton gjithashtu mënyra shtesë për t’iu përgjigjur Notes që miqtë tuaj publikojnë, duke përfshirë foto, video, mesazhe audio, stickers dhe GIF. Nëse i përgjigjeni një shënimi, miku juaj do ta shohë atë përgjigje si një DM.
Kur Instagram lançoi për herë të parë Notes në dhjetor 2022, shërbimi u vlerësua si një konkurrent i Twitter (tani X), pasi i lejonte përdoruesit të komunikonin me të tjerët duke përdorur vetëm tekst. Ky shërbim u ofrua në një kohë kur njerëzit po kërkonin një alternativë të Twitter pasi Elon Musk bleu rrjetin social.
