Gjatë gjithë kësaj kohe, WhatsApp ka funksionuar ndryshe nga Facebook Messenger apo Telegram, pasi në vend që të ruajë historinë e mesazheve në cloud, i ruante ato në memorien e brendshme të smartphone-it tuaj.
Kjo gjë e bënte të vështirë ofrimin e shërbimit multi-device support, pasi pajisja juaj kryesore duhet të ishte gjatë gjithë kohës e lidhur në internet për t’u aksesuar në pajisje të tjera. Madje dhe nëse ju çinstalonit aplikacionin, duhet të nisnit gjithçka nga e para ose të rikthenit manualisht një backup të ruajtur në Google Drive.
?? Now you can transfer your full chat history seamlessly, quickly and securely across the same operating systems without ever having to leave the app. Out today ? pic.twitter.com/UqNpyw8bCC
— WhatsApp (@WhatsApp) June 30, 2023
Mirëpo ditën e djeshme WhatsApp lajmëroi përmes një postimi në Twitter se përdoruesit mund të transferojnë historinë e bisedave nga një smartphone në një tjetër në mënyrë direkte, pa patur nevojën për të ruajtur një backup në Google Drive. Kjo gjë do t’ju lejojë të përdorni adresën ekzistuese të WhatsApp në një smartphone të ri në mënyrë shumë të thjeshtë.
E vetmja kërkesë që WhatsApp ka në këtë rast është që dy smartphone-t të kenë të njejtin sistem operativ. Nëse ju keni patur më parë një Android, mund të transferoni kaq thjeshtë historinë vetëm në një Android, dhe nëse keni patur një iPhone, vetëm në një iPhone.
Nëse ju dëshironi që të kaloni historinë e bisedave midis dy pajisjeve me OS të ndryshëm, proçesi do të jetë pak më i ndërlikuar.
