Activision më në fund thyen heshtjen rreth algoritmit që mbledh së bashku lojtarët me aftësi të barabarta (Skill-Based Matchmaking)

Ka shumë gjëra që janë të rëndësishme në krijimin e një ndeshjeje të ekuilibruar në mënyrë të përsosur në Call Of Duty, dhe arritja e një gjëje të tillë nuk është aspak e lehtë.

Shpesh herë në komunitet paraqiten shumë ankesa kryesisht rreth sistemeve Skill-Based Matchmaking (SBMM) dhe Engagement-Optimized Matchmaking (EOMM). E para është një sistem që studio të ndryshme përdorin në një përpjekje për të krijuar ekipe dhe që nuk janë shumë “të egra” për lotarët e rinj.

Në një postim të ri në blog, Activision shpjegon pse kjo është e rëndësishme për lojtarët e të gjitha niveleve të aftësive: “Të dhënat tona tregojnë se kur lojtarët me aftësi më të ulëta janë vazhdimisht duke humbur, ata mund të largohen nga ndeshjet në vazhdim ose të ndalojnë së luajturi fare. Kjo ka një efekt në grupin e lojtarëve. Një grup më i vogël lojtarësh do të çojë në rritjen e kohës së pritjes. Kjo mund të komplikohet me kalimin e kohës duke krijuar një efekt spiral. Përfundimisht, kur mbeten vetëm lojtarë me aftësi të larta sepse lojtarët me aftësi më të ulëta janë larguar nga zhgënjimi, rezultati është një ekosistem që është më i keq në përgjithësi për të gjithë.”

SBMM kërkon ta korrigjojë këtë duke i vendosur lojtarët në ekipe sa më afër nivelit të tyre të aftësive, mirëpo ndonjëherë skuadrat janë të pabarabarta pavarësisht se duken të tilla statistikisht edhe në letër. Për shembull, ju mund të keni një ekip të përbërë nga nivele kryesisht të ngjashme aftësish, ndërsa një ekip tjetër ka një ose dy lojtarë vërtet të mirë dhe katër ose pesë fillestarë. Kjo mund të jetë zhgënjyese si për lojtarët me aftësi të larta ashtu edhe për ata me aftësi të ulëta në atë ekip, pasi është shumë e lehtë për skuadrën tjetër të përshtatet.

EOMM është pak më e vështirë për t’u kuptuar, por në thelb është një sistem që kërkon të rrisë angazhimin duke i bërë lojtarët të lumtur. Ky nuk është një sistem i konfirmuar në Call Of Duty, por shumë lojtarë kanë teorizuar se ekziston dhe disa kanë bërë përpjekje të mëdha për ta provuar atë. Koncepti i përgjithshëm është që për t’i mbajtur lojtarët të angazhuar pas disa humbjesh rresht – ju do të përfshiheni në një ndeshje të lehtë për t’u ndjerë më mirë.