Shitjet e iPhone-ve mund të marrin një goditje këtë vit kryesisht për shkak të popullaritetit në rritje të telefonave të palosshëm dhe rigjallërimin e Huawei në tregun kinez, thotë analisti i Apple, Ming-Chi Kuo.
Apple u shndërrua në shitësin më të madh të smartfonëve në Kinë vitin e kaluar për herë të parë, uli numrin e porosive për “komponentët kryesorë të çipave gjysëmkonduktor” në rreth 200 milionë njësi, duke u përkthyer në një rënie prej 15% nga viti në vit në dërgesat e iPhone, sipas postimit më të fundit të Kuo në blogun e tij në lidhje me zinxhirin e furnizimeve të kompanisë. Kuo shkroi se dërgesat javore të Apple në Kinë kanë rënë me 30% – 40% nga një vit më parë në javët e fundit, “dhe kjo prirje rënëse pritet të vazhdojë“.
“Apple mund të regjistrojë rënien më të madhe midis kompanive kryesore globale të telefonave celularë në vitin 2024”, shkroi Kuo. Rikthimi i Huawei si prodhuesi kryesor i telefonave inteligjentë i shoqëruar me “preferencën në rritje për telefonat e palosshëm midis përdoruesve të nivelit të lartë si zgjedhja e tyre e parë” në tregun kinez janë arsyet kryesore për rënien e mundshme të iPhone, shkroi Kuo.
Modelet e reja të telefonave që integrojnë inteligjencën artificiale gjeneruese po ndryshojnë gjithashtu tregun. Samsung ka rritur shitjet e serisë së saj të re Galaxy S24 këtë vit me 5% – 10% pasi sheh kërkesë “më të lartë se sa pritej” falë veçorive të saj të fuqizuara nga AI. Apple, ndërkohë, ka ulur parashikimin e dërgesave për iPhone 15 në gjysmën e parë të 2024, shtoi Kuo.
“Vrulli i rritjes së Apple dhe ekosistemit të kompanisë mund të kompromentohet për shkak të ndryshimeve të pakta që mund të vijnë në serinë më të re të iPhone-ve.” tregon Kuo.
