Xiaomi tani ka konfirmuar zyrtarisht datën e lançimit të Xiaomi 13T dhe Xiaomi 13T Pro pas spekulimeve të shumta rreth telefonave inteligjentë të serisë T të ardhshme të kompanisë.
Si gjithmonë, Xiaomi nuk ka zbuluar shumë detaje rreth serisë Xiaomi 13T për momentin. Në vend të kësaj, ajo thjesht ka ngacmuar duke thënë se kjo seri është një ‘kryevepër në dukje’. Siç pritej, Xiaomi do të organizojë eventin e saj të prezantimit të serisë Xiaomi 13T më 26 shtator.
Kështu, leaker-i @yabhishekhd ishte korrekt me informacionet e tij të mëparshme.
Xiaomi ka konfirmuar se seria Xiaomi 13T do të ketë kamera të zhvilluara në bashkëpunim me Leica, megjithëse kjo mund të mos jetë e disponueshme në Xiaomi 13T globalisht. Bazuar në eventet e kaluara të lançimit, Xiaomi me shumë mundësi do të sjellë edhe pajisje të tjera në tregun global.
Ndërsa kompania nuk ka lënë të kuptohet për ndonjë prezantim të një produkti tjetër ende, Smart Band 8 dhe Smart Band 8 Pro janë kandidatë të mundshëm.
Xiaomi 13T Pro pritet të vijë me një bateri me kapacitet 5,000mAh dhe karikim 120W, ndërsa Xiaomi 13T do të vijë me shpejtësi karikimi 67W. Ndryshime të tjera pritet të ketë në përzgjedhjen e proçesorëve, i cili mund të jetë më i fuqishëm në 13T Pro.
