HMD do të prezantojë 3 smartphone të rinj gjatë IFA 2022 – Nokia G60 5G, C31 dhe X30 5G, të cilët janë të fokusuar kryesisht për tregun Evropian.
Nokia X30 5G sipas kompanisë është “smartphone-i më miqësor me mjedisin që HMD ka prodhuar ndonjëherë”. Ky smartphone mund të përfitohet dhe përmes shërbimit më të ri të abonimit nga HMD të quajtur “Circular”, ku klientët mund të paguajnë një shifër të caktuar mujore dhe të marrin incentive për ta përdorur atë për sa më tepër kohë. Ky shërbim është i pranishëm vetëm në Gjermani dhe Mbretërinë e Bashkuar për momentin.
Nokia X30 5G arrin të jetë miqësor me mjedisin pasi trupi i saj është i krijuar nga materiale të ricikluara, si për shembull alumin 100% i ricikluar, plastikë 65% e ricikluar dhe letër 70% e ricikluar. Kompania premton se do të mbështesë telefonin me software updates për të paktën 3 vite.
X30 5G do të jetë një smartphone tipik midrange. Ai fuqizohet nga proçesori Snapdragon 695 dhe shoqërohet me 6 ose 8 GB RAM dhe 128 ose 256GB internal storage. Pajisja ka një ekran 6.43 inç 1080p me 90Hz refresh rate. Nokia X30 5G do të ketë 3 kamera: ajo kryesore 50MP, ultrawide 13MP dhe selfie 16MP dhe do të vijë në treg me një çmim prej €529.
Nokia G60 5G do të kushtojë €319, do të fuqizohet po nga Snapdragon 695 por do të ketë ekran LCD me 120Hz refresh rate dhe 4GB RAM/64GB internal storage.
Nokia C31 do të kushtojë €129 dhe do të ofrojë deri në 3 ditë bateri falë kapacitetit 5,050mAh. Pajisja fuqizohet nga Unisoc 9863A1, dhe ka një ekran 6.7 inç 720p.
Për produktet më të reja nga IFA 2022, na ndiq këto ditë në Instagram pasi Geek Room dhe Neptun janë aty për të raportuar në kohë reale për të gjithë ndjekësit tanë.
