Samsung Electronics demonstroi ditën e djeshme vizionin e saj për një jetë më inteligjente dhe nëj të ardhme më të qëndrueshme. Gjatë konferencës së kompanisë për IFA 2022, u theksua përmirësimi i SmartThings, i cili hap mundësi të reja ndërlidhje, personalizimi dhe qëndrueshmërie në produkte të ndryshme Samsung.
Në këtë deklaratë u treguan përmirësimet më të reja të Samsung në pajisjet elektroshtëpiake si TV, ekranet si dhe në mobiles apo teknologjinë wearable. Një ndër përmirësimet kryesore është integrimi i SmartThings në kategori të ndryshme produktesh, duke krijuar kështu një ekosistem që i mundëson përdoruesve të transformojnë dhe kontrollojnë ambientin e tyre sipas dëshirës. Duke lejuar përdoruesit të jetojnë më mënyrën më efiçiente, produktive dhe të rehatshme, SmartThings mundëson që ju të fokusoheni në gjërat më të rëndësishme.
Për të krijuar eksperiencën më të mirë të qëndrueshmërisë dhe për t’u shndërruar në kompaninë më efiçiente në konsumin e energjisë, Samsung do të kombinojë ndërlidhjen SmartThings me efiçiencën e energjisë të përfshirë në produktet e saja elektroshtëpiake. Klientët këshillohen të ndërmarrin vendime ekologjike me ndihmën e SmartThings Energy, e cila monitoron përdorimin dhe ofron të dhëna të rëndësishme për të kuptuar se kush pajisje po shpenzon më tepër energji.
Deri në 2023, 100% e produkteve kryesore të Samsung do të vijnë me lidhje Wi-FI dhe shërbimin SmartThings Energy.
Për produktet më të reja nga IFA 2022, na ndiq këto ditë në Instagram pasi Geek Room dhe Neptun janë aty për të raportuar në kohë reale për të gjithë ndjekësit tanë.
