Lenovo rezervon çdo vit prezantimet kryesore të kompanisë për eventet teknologjike, dhe ky vit nuk përbën një ndryshim. Kompania lajmëroi prezantimin e disa pajisjeve të reja inovative gjatë IFA 2022, të cilat kryesohen nga Lenovo X1 Fold.
Lenovo X1 Fold 2022 mund të krahasohet për zhvillimin e saj me Galaxy Z Fold 2. Njësoj si Samsung, Lenovo ka rafinuar pajisjen dhe ka bërë disa ndryshime të kërkuara nga vetë fansat. Ndryshimi kryesor është në madhësinë e ekranit, që tashmë është 16.3 inç. Gjithashtu laptopi është dhe 25% më i hollë dhe bezels janë më të ngushta. Sigurisht ky laptop është pajisur me gjeneratën e 12-të të proçesorëve nga Intel, 32GB RAM dhe deri në 1TB SSD.
Syzet smart
Së bashku me laptopin e palosshëm, Lenovo prezantoi dhe T1 Glasses, të cilat janë një monitor që është shumë pranë syve të përdoruesit. Ju mund të shikoni përmbajtje përmes tyre, të luani lojra dhe shumë veprime të tjera. Ato do të kushtojnë rreth $500.
Seria P11 e Lenovo Tab
Lenovo prezantoi gjithashtu dhe dyshen e re të tabletëve, Tab P11 të gjeneratës së dytë dhe Tab P11 Pro.Tab P11 fuqizohet nga Mediatek Helio G99, ka deri në 6GB RAM dhe 128GB internal storage, bateri me kapacitet 7,700mAh dhe ekran LCD. Tab P11 Pro vjen me bateri 8,200mAh, ka proçesor Mediatek Kompanio 1300T, 8GB RAM, 256GB internal storage dhe ekran OLED. Çmimet fillojnë nga $249 dhe $399 respektivisht.
IdeaPad 5i Chromebook
Lenovo ka prezantuar një Chromebook gjithashtu. IdeaPad 5i vjen me një ekran 16 inç dhe refresh rate 120Hz, proçesor Intel core i3 të gjeneratës së 12-të, dhe bateri që zgjat deri në 12 orë. Çmimi nis nga $550.
Për produktet më të reja nga IFA 2022, na ndiq këto ditë në Instagram pasi Geek Room dhe Neptun janë aty për të raportuar në kohë reale për të gjithë ndjekësit tanë.
