Seria Galaxy S25 e Samsung do të prezantohet në janar dhe ne po fillojmë të marrim gjithnjë e më shumë informacione rreth këtyre pajisjeve, si në pjesën e komponentëve të brendshëm si dhe për pamjen e jashtme.
Sot, kasat prej silikoni të palëve të treta për Galaxy S25, S25+ dhe S25 Ultra janë publikuar në internet. Këto tregojnë format e përgjithshme të telefonave dhe ka ende një ndryshim të dukshëm midis S25 dhe S25+ nga njëra anë dhe S25 Ultra nga ana tjetër. Pra, siç është përfolur shumë herë më parë, Ultra ka qoshe të rrumbullakosura, duke hequr dorë nga qoshet me një kënd të mprehtë që e bënte smartphone-in disa herë të parehatshëm në pëllëmbë.
Prerjet e kamerës në këto kasa sugjerojnë se Samsung do të përdorë të njëjtin konfigurim vertikal për S25 dhe S25+ të parë në paraardhësit e tyre, ndërsa Ultra ka vend për një kamera shtesë siç mund ta shihni dhe nga fotot.
Butonat janë të gjithë në anën e djathtë siç do të prisnit nga Samsung, dhe nuk zbulohet shumë më tepër me këtë rrjedhje. Seritë Galaxy S25 mund të përdorin procesorin më të ri të Qualcomm, Snapdragon 8 Elite të personalizuar sipas thashethemeve më të fundit për këtë çështje. Korniza e Ultra do të jetë përsëri prej titani, ndërkohë që në dy modelet e tjera do të jetë prej alumini.
