Specifikat e OnePlus 12 sapo janë bërë leak, dhe ne po shikojmë se do të ketë disa përmirësime të rëndësishme në këtë smartphone për sa i përket karikimit të shpejtë dhe baterisë, ndërkohë që dizajni do të jetë i ngjashëm me pajisjen paraardhëse.
Sipas Smartprix, telefoni do të pajiset me një SoC të ri Qualcomm Snapdragon 8 Gen 3, një bateri 5,400 mAh dhe një kamera telephoto 64MP. Kapaciteti i baterisë është një rritje e lehtë në krahasim me baterinë 5000 mAh të OnePlus 11, ndërkohë që shpejtësia e karikimit në smartphone-in e ri do të arrijë 100W. Smartprix thotë se OnePlus do të prezantojë gjithashtu karikimin wireless 50W, një përmirësim i shumëpritur nga fansat, duke patur parasysh se një shërbim i tillë nuk ofrohej në OnePlus 11 5G.
Kamera selfie do të jetë një tjetër aspekt i përmirësuar në OnePlus 12, e cila pritet të ketë rezolucion 32MP nga 16MP në OnePlus 11 5G. Nga ana tjetër, kamera ultrawide do të arrijë rezolucionin 50MP. Në raportim përmendet gjithashtu se smartphone-i do të ketë 16GB RAM, por nuk specifikohet nëse kjo gjë do të ofrohet në modelin bazë të pajisjes.
Smartprix zbuloi disa imazhe të supozuara të OnePlus 12 javën e kaluar, duke treguar dizajnin shumë të ngjashëm dhe të pandryshuar nga paraardhësi i tij. Për fat të mirë duket se butoni alert slider do të jetë i pranishëm, të cilin prodhuesi i telefonit Android e riprezantoi në OnePlus 11 pasi e hoqi atë për një vit. OnePlus 12 pritet të prezantohet më vonë gjatë këtij viti.
