Ky është OnePlus 12 me variantet e reja të ngjyrave

OnePlus ka zbuluar imazhet zyrtare të smartphone-it të tij të ardhshëm OnePlus 12 në Weibo përpara eventit të lançimit të 5 dhjetorit në Kinë, duke zbuluar se celulari do të jetë i disponueshëm në tre ngjyra: e bardhë, e zezë dhe jeshile.

Dizajni i pajisjes duket vizualisht i ngjashëm me paraardhësin e tij, OnePlus 11, megjithëse Alert Slider – një veçori e preferuar e fansave që i lejon ata të kalojnë lehtësisht midis profileve mute, vibrate dhe ringer – tani ndodhet në të majtë të telefonit në vend të vendit origjinal djathtas. Sipas OnePlus, zhvendosja u bë për të akomoduar një antenë të re të integruar që është krijuar për të rritur performancën e sinjalit dhe për të zvogëluar vonesën në transmetimet live të lojrave.

“Bazuar në testimin e brendshëm, është përcaktuar se pozicioni optimal për antenat e lojërave është midis gishtërinjve tregues të përdoruesit kur telefoni mbahet në orientim horizontal,” thotë OnePlus në një njoftim për shtyp.

Një artikull i përkthyer zbulon gjithashtu disa nga specifikat kryesore të OnePlus 12, ku përfshihen një sensor i ri Sony LYT-808 për kamerën e tij kryesore 50 MP dhe një kamerë telefoto periskopike 3X 64 MP, të mbështetur të dyja nga Hasselblad Camera for Mobile. OnePlus 12 do të ketë gjithashtu një procesor Qualcomm Snapdragon 8 Gen 3, një ekran 2K nga BOE e Kinës dhe mbështetje për funksionet e karikimit wireless dhe funksionet e komandimit përmes rrezeve infra të kuqe.

Detajet janë të pakta, por ne do të dimë më shumë për OnePlus 12 pas debutimit të tij zyrtar javën e ardhshme. Sipas Engadget, OnePlus është vendosur të shpallë një datë të lançimit global për pajisjen më 15 dhjetor.