Me shumë mundësi ju e keni hasur në rrjetet sociale shpesh herë meme-n e ‘të dashurit të shpërqendruar’.
Tashmë falë inteligjencës artificiale kjo meme po rikthehet në një mënyrë krejtësisht të re. Përdoruesit e X (ish Twitter) kanë shpërndarë disa animacione të tyre të memes ikonike të krijuar duke përdorur një sërë mjetesh animacioni të AI. Madje krijuesit kanë krijuar dhe përfundime të ndryshme alternative për këtë rast, duke na lënë të imagjinojmë se çfarë mund të ketë ndodhur pas atij momenti. Megjithatë, jo të gjithë janë të kënaqur me inovacionin pasi disa komentues të shqetësuar bëjnë shaka se ‘askush nuk e kërkoi këtë’.
Përdoruesi i X @fofrAI ishte i pari që shpërndau memen e krijuara nga AI, përmes Stable Video të Stability AI. Ky model i lejon përdoruesit të transformojnë kërkesat e përdoruesve dhe imazhet statike në video të shkurtra nga dy deri në pesë sekonda. Meme origjinale tregonte një imazh të palëvizshëm të një të dashuri që shikonte prapa supeve një grua që kalonte ndërsa e dashura e tij shikonte me zemërim.
Në këtë animacion të zgjeruar, i dashuri largohet plotësisht nga partnerja e tij dhe duket se fillon të ecë pas gruas me të kuqe. Në X, komentuesit ndanë habinë e tyre me klipin e krijuar nga AI. “Memet po përmirësohen përmes AI“, shkroi një përdorues i mediave sociale. ‘Çfarë kohe për të qenë gjallë!‘ shtoi një komentues i emocionuar. Ndërkohë një tjetër ka thënë me shaka se ‘pas gjithë këtyre viteve më në fund mund të zbulojmë se çfarë ka ndodhur me çiftin’. Më poshtë mund të shikoni dhe disa variante të tjera të kësaj historie.
