Dy sisteme operative celulare aktualisht përbëjnë gati 100% të tregut global të smartfonëve. Krijimi i sistemeve të reja operative është i vështirë dhe për shumicën e prodhuesve të telefonave nuk mund të justifikohen shpenzimet në këtë drejtim, veçanërisht kur Android mund të integrohet lehtësisht.
Shumica e kompanive kanë zgjedhur kryesisht të mirëmbajnë sistemin operativ celular të Google, të personalizuar me skins dhe veçori unike. Huawei kohët e fundit e kundërshtoi trendin me lëshimin e Harmony OS, megjithëse kjo erdhi si pasojë e kufizimeve gjeopolitike në përdorimin e produkteve amerikane. Pavarësisht burimeve të tij masive, gjigandi kinez i elektronikës hasu shumë probleme deri sa krijoi alternativën e tij të Android.
Duke pasur parasysh synimin e Nothing për të qenë sa më unik, ndoshta nuk është krejtësisht e çuditshme që kompania me bazë në Londër mund të ndërtojë OS e vet celular nga fillimi. Në një bisedë me TechCrunch, themeluesi dhe CEO Carl Pei konfirmoi se kompania po eksploron se si mund të duket një OS i vërtetë Nothing.
Pei kritikoi dominimin sistemeve operative të Google dhe Apple në industrinë e smartphone-ve. “Ne po mendojmë se si ne mund të manovrojmë,” shtoi ai, “dhe ndoshta të krijojmë diçka tonën. Një lloj sistemi operativ.”
Qëllimet e një lëvizjeje të tillë do të ishin zgjerimi i ndikimit të Nothing në industri, duke krijuar një burim krejtësisht të ri të ardhurash.
“Ju mund të ndryshoni mënyrën se si njerëzit përdorin pajisjet e tyre. Nga ana e biznesit, është gjithashtu shumë fitimprurës. Në shumë mënyra, të kesh disa të ardhura nga softueri është shumë më komode: marzhe më të larta fitimi. Por unë mendoj se gjëja më e rëndësishme është të kënaqësh konsumatorin.” Themeluesi tha se ai mendon se procesi i ndërtimit të një OS celular është bërë dukshëm më i lehtë, falë bumit të AI.
Një teknologji e tillë do të bëjë të mundur ofrimin e një niveli tjetër personalizimi që ka munguar në platformat ekzistuese.
